انا والمجنون

السلام عليكم ورحمه الله وبركاته




الكل يعرف حركات طلاب الجامعه واحيانا تكون فيه جنون صافي




المهم




كنت اسكن بالسكن الجامعي بالسنه الاولي ولا صدقت تنتهي السسنه


و كان معاي شخص دمه خفيف اسمه خالد بكليه الطب والان ماشاء الله طبيب وياشين اللي يكشف عليه خالدوه يبشر بالعافيه


وانا من سكان الرياض لكن درست خارج الرياض حتي يكون تفرغ وهدوء من فلان وعلان وضياع الوقت لا استرحات ولا ثمامه ولا قنص


المهم وفي ليله اختبارت عاصفه عندي وعند خالد 000 وكانت مكافاه الجامعه طارت من اول يوم نستلمها يعني مفلسين على الاخر




واخر اليل من كثر المذاكره والمناقر قصر صوتك مو عارف اركز وحذف بالمخدات واحيانا


اشياء ثانيه


هههههههههههه لاداعي لذكرهااا




قال خالد ياخي تصدق بموت من الجوع اهااا نسيت اقولكم خالد دب وقصير نوعا ماء ومثل الهبيز حقين لندن اللحيه على الشوارب حووسه ونظارات شكلها غريب وثوب نوم مقطعه ازاريره يعني وحش للي مايعرفه


المهم قلت وانا والله نفس الشي نبي شي بارد نشربه كولا ببسي وفش فاش ( يجنن ههههه) سنكرز توكس وجالسين نحلم أي شي لين مطعم السكن يفتح الصباح




طبعا فلوس ني ني ولا بيزه<<<




فكرت كل الشباب الحين اللي نايم واللي منحاس بالدراسه عشان نتسلف منهم ههههههه


بس الحال من بعضه المهم قلت لازم افكر وشلون نسوي وخلاص الببسي والفش فاش ضربت بالراس يعني ماعنها مفر لازم نجيبها


قلت يله ياخالد خلنا نروح سوبرماركت في محطه بنزين مو بعيد عن السكن قال00 وشلون نشتري ولا ريال معنا


قلت خلها على ماعليك اهم شي تسوي اللي اقوله لك


قال ابشر بس فيها فايده قلت ماعليك بس سوى اللي اقول وخل الباقي على تحمس خالد بقوه ومصارينه صار لها صوت اسمعها ترج بطنه رج


ههههههههههههههه يارب 000استغفر الله


المهم وقفت بعيد بطرف المحطه وقلت اسمع خويلد شكلك لازم نستغله قال وشلون


قلت شف اللي يشوفك اول مره بشكلك ذا يقول مجنون منحاش من شهار


هههههههههههههههه


والله جلس يطالع بالمرايه حقت السياره قال تصدق ان كلامك صحيح انا خفت من شكلي من زمان ماحلقت ههههههههههههههههه


قلت زين شف ترمي انعالك بالسياره وتنزل حفيان وتركض ركضه مجنون مره تروح شرق ومره ترجع غرب المهم ابيك تدخل السوبر وخم أي بسكوتات ببسي ولاتنسى الفش فاش


هههههههههههههههههههههههههههههههههه اهم الغنايم


وانا بركض وراك واقول امسكو معاي المجنون ابي اوديه للصحه النفسيه وانت صارخ وسوي شوي حركات وطامر شوي وانفش شوشتك


ومن حسن الحظ كان بالسوبر عمال ثنين مدري هنود او بنقال المهم هم شافوا منظر خويلد


ويجمدون مكانهم من الخوف وهو يقرب منهم وهم يحاولون يبعدون عنه


وصار ياخذ من انواع الشكولاته والبسكوت والببسي بشليله


وانا احاول انزلها وارده مكانه


والعمال يقولون معليش رفيق خله شيل مافيه مشكل مسكين مريز هههههه


المهم اخونا خالد اخذ لين شليله ماعاد يشيل وركضه خارج السوبر


وقلت لاتقرب السياره اركض شوي بعيد عن السوبر وبلحقك بالسياره


ولحقته الا وهو طايح فرم توكس الحبه كلها بلقمه ههههههههههههههههه




والعمال المساكين صديق امسك كويس عشان مره ثاني مايجي هنا انا فيه خوف




المهم رحنا وحسبنا بكم خذينا كلها ماتجي 70 ريال


عشان بعد ماناخذ المكافاه نردها للعمال


وفعلا بعد كم يوم رحت يمهم واعطيهم الفلوس والعامل يحلف مايخذها حرام هذا نفر مريض خلي دعاء هو انا هههههههههه


هههههههههههههههههههههههههههه


قلت لا الحين صار زين وراح المرض مع التوكس والسنكرز


....


والحين خالد طبيب باحد مستشفيات الرياض وناحج جدا ماشاء الله عليه


وانا كذلك الحمد لله له الفضل والنعمه00




و الحين كل ما اتصل عليه يذكرني فيها مو ناسيها يقول كان طعمها غريب وله مذاق خاص


قلت ايه لانها مسروقه يادب ههههه الشيطان زينها لك




اتمني تنال اعجابكم بس لاتسوون مثلها هههههه